NRA yaahidi kuondoa vikwazo vya kibiashara kati ya Zanzibar na Tanzania Bara
ZANZIBAR: Muungano wa Kitaifa wa Ujenzi (NRA) umeahidi kuondoa vikwazo vinavyokwamisha biashara kati ya Zanzibar na Tanzania Bara, ukisema hatua hiyo itasaidia wananchi wa Unguja na Pemba kujikwamua kutoka katika umaskini.
Akizungumza na wafanyabiashara na wakazi wa eneo la Darajani Mjini Zanzibar, Mgombea Urais wa Muungano wa chama hicho, Hassan Almas Kitabia, alisema ikiwa kweli kuna Muungano wa nchi mbili, basi kusiwepo na mipaka inayoweka vikwazo visivyo vya lazima.
"Nichagueni niwe rais wenu ajaye, na nitahakikisha kunakuwa na biashara laini kati ya Zanzibar na Bara," alisisitiza haja ya kuondoa vikwazo vinavyokwamisha biashara ili watu wafanye shughuli za kiuchumi kwa uhuru zaidi, zikiungwa mkono na sheria rafiki ambazo hazilemei wananchi.
Pamoja na kutambua umuhimu wa Muungano huo ambao alisema watu wanauenzi, Kitabia alibainisha kuwa unakuja na changamoto ambazo NRA itatoa kipaumbele katika kuzitatua.
"Wazanzibari wana mambo yao ya kipekee ambayo ni lazima yalindwe, na ulinzi huu utaongeza thamani ya Muungano na kuimarisha udugu kati ya wananchi wa Tanzania Bara na Visiwani," alifafanua.
Wazanzibari wana mambo yao ya kipekee ambayo lazima yalindwe, na ulinzi huu utaongeza thamani ya Muungano na kuimarisha udugu kati ya wananchi wa Tanzania Bara na Visiwani,” alifafanua.
Aliongeza: “Sisi ndani ya NRA tumesema tutashughulikia kasoro na matatizo yaliyomo ndani ya Muungano ili Wazanzibari na Watanganyika wote waendelee na mambo yao bila vikwazo.
Kitabia alisema katika mikutano ya kampeni kisiwani Pemba wananchi walimweleza kero yao kubwa ni zao la karafuu.
Wakulima wanataka serikali kuikomboa sekta hiyo ili waweze kuuza kwa uhuru, kwa mnunuzi yeyote na kwa bei wanazochagua. Aliahidi kwamba mgombea urais wa NRA kwa upande wa Zanzibar atashauriwa kuyapa kipaumbele madai haya akichaguliwa.
Kuhusu uchumi wa bahari, Kitabia aliibua wasiwasi juu ya matumizi duni ya rasilimali za bahari, akisema inashangaza kwamba “Wazanzibari wengi wanajua kidogo utajiri wa bahari zaidi ya kuogelea.”
Alibainisha kuwa wakati sera ya Uchumi wa Bluu iliyoanzishwa chini ya Serikali ya Awamu ya Nane ni mpango mzuri, NRA inakusudia kuleta mikakati mizuri zaidi, ikiwamo kuongeza thamani ya mazao ya baharini.
Mapema Mgombea mwenza wa NRA Khamis Ali Hassan aliwataka wanachama, Wazanzibari na Watanzania kwa ujumla kujitokeza kupiga kura kwa amani na kisha kurejea katika shughuli zao za kawaida.
Alisisitiza kuwa NRA haitarajii wanachama wake kubaki katika vituo vya kupigia kura wakilinda kura, kwa kuwa mawakala wa uchaguzi na maafisa wengine wana mamlaka kisheria kufanya hivyo.
"NRA sio chama cha vurugu, na kila mara tumekuwa tukisisitiza juu ya jukumu la kulinda amani yetu. Hakuna mtu anayepaswa kutumia uchaguzi kuivuruga. Ukishapiga kura, ondoka kwenye kituo na uendelee na maisha yako - kumbuka, kuna maisha baada ya uchaguzi," alimalizia.